Inverter Man Of India: तुमचा जन्म कोणत्या कुटुंबात झाला आहे हे तुमच्या हातात नाही, पण तुमचे भविष्य तुमच्या हातात आहे. जगभर अनेक लोक अडचणींना धैर्याने सामोरे जातात आणि मोठे यश मिळवतात. एक वेळ होती जेव्हा कुंवर यांनी पेन विकून अभ्यासाचा खर्च भागवला, पण आज तो करोडोंच्या कंपनीचा मालक आहे.
हायलाइट्स:
- सुकाम कंपनीचे संस्थापक कुंवर सचदेव एकेकाळी पेन विकायचे
- कुंवर यांनी नोकरी सोडून नंतर व्यवसाय सुरू केला.
- आपल्या मेहनतीच्या जोरावर करोडोंची कंपनी उभी केली
आज आपण जगभर इन्व्हर्टर मॅन म्हणून प्रसिद्ध सुकाम कंपनीचे संस्थापक कुंवर सचदेव यांच्या प्रेरणादायी प्रवासाबद्दल सविस्तर जाणून घेणार आहोत. त्यांच्या कंपनीच्या सोलर उत्पादनांची मागणी केवळ भारतातच नाही तर परदेशातही आहे.

पेन विकून अभ्यासाचा खर्च पूर्ण केला
कुंवर सचदेव यांचे वडील रेल्वेत लिपिक (क्लार्क) होते. कुंवर सचदेव यांनी प्राथमिक शाळेपर्यंतचे शिक्षण खासगी शाळेत केले, मात्र पैशाअभावी त्यांना पुढील शिक्षण सरकारी शाळेत पूर्ण करावे लागले. लहानपणापासूनच डॉक्टर होण्याचे स्वप्न पाहणाऱ्या सचदेवने बारावीत वैद्यकीय प्रवेश घेतला, मात्र बारावीत ५०% ही गुण मिळवता आले नाहीत. त्यांनी हार मानली नाही अंडी पुढच्या वर्षी पुन्हा बारावीच्या परीक्षेला बसले, पण यावेळी ते वैद्यकीय प्रवेश परीक्षा पास करू शकले नाहीत. डॉक्टर होण्याचे स्वप्न सोडून त्याने पदवीचे शिक्षण घेतले. शिक्षणादरम्यान ते घरोघरी जाऊन आणि बसमध्ये पेन विकायचे जेणेकरून शिक्षणाचा खर्च भागवता येईल. तिथून त्यांना काही मानधन म्हणून थोडेफार पैसे मिळायला लागले त्यांच्याद्वारे त्यांनी अभ्यासाचा आर्थिक खर्च भागवला.
नोकरी दरम्यान सुचली कल्पना
शिक्षण पूर्ण केल्यानंतर कुंवर एका केबल कम्युनिकेशन कंपनीच्या मार्केटिंग विभागात रुजू झाले. नोकरी करताना त्यांच्या लक्षात आले की भारतात केबल व्यवसाय खूप फायदेशीर ठरू शकतो. त्यानंतर कुंवर सचदेव यांनी नोकरी सोडली आणि सुकाम कम्युनिकेशन सिस्टम्स नावाचा स्वतःचा व्यवसाय सुरू केला. फक्त त्याचं टीव्ही केबलचं काम चांगलं चालू झालं. यासोबतच त्यांनी इतर उपकरणेही बनवण्यास सुरुवात केली.
इन्व्हर्टर बनवण्याची आयडिया
कुंवर सचदेव यांनी एका मुलाखतीत दिलेल्या माहितीनुसार त्यांच्या घरात इन्व्हर्टर होता जो सतत खराब व्हायचा. एकदा त्यांनी इन्व्हर्टर स्वतः उघडला, तेव्हा त्यांना समजले की ही समस्या निकृष्ट दर्जाच्या सामग्रीमुळे आहे. यानंतर त्यांनी स्वतः इन्व्हर्टर बनवण्याचा विचार केला आणि १९९८ मध्ये त्यांनी सुकाम पॉवर सिस्टम नावाची कंपनी स्थापन केली आणि इन्व्हर्टर बनवण्यास सुरुवात केली. आता कुंवर सचदेव यांची कंपनी अनेक सोलर उत्पादने बनवते ज्याची मागणी केवळ भारतातच नव्हे तर परदेशातही मोठ्या प्रमाणात आहे.
कोट्यवधींच्या कंपनीचे मालक
कुंवर सचदेव आज सुमारे २,३००० कोटी रुपयांच्या कंपनीचे मालक आहेत जी सौरउत्पादने बनवते ज्यामुळे लोकांना दिवसातील १० तास वीज उपलब्ध होऊ शकते. मीडिया रिपोर्ट्सनुसार त्यांची उत्पादने आतापर्यंत भारतातील एक लाखाहून अधिक घरांमध्ये बसवण्यात आली असताना सुकाम च्या सोलर उत्पादनांना भारतात तसेच परदेशात प्रचंड मागणी आहे.
Disclaimer: It is important to note that while Mr. Kunwer Sachdev founded Su-Kam Power Systems, he is no longer associated with the company as of 2019. Any information regarding his involvement in the company’s operations, strategies, or future plans reflects his tenure prior to that date. Therefore, any discussions or analyses of Su-Kam Power Systems should be considered in the context of his past contributions and not his current association with the company.